၂၁ ရာစု မှန်ချပ်

သူငယ်ချင်းက ပြောပါတယ်…
၂၁ ရာစုဆိုတာ
အပေါင်းအနှုတ် ကိန်းဂဏန်းတွေနဲ့
နာလန်မထူတဲ့ လူမမာတဲ့…။
 

သူငယ်ချင်းက ပြောပါတယ်…
၂၁ ရာစုဆိုတာ
သဘာဝကျိန်စာတွေနဲ့
အလဲအထိုးခံရမဲ့
ကြိုးဝိုင်းတခုလိုပဲတဲ့။
 

သူငယ်ချင်းက ပြောပါတယ်…
၂၁ ရာစုဆိုတာ
အရှုံးအမြတ်တွက်လို့
ရမက်တွေကို ဒေါ်လာနဲ့ လဲပြီး
ခေါင်းပုံဖြတ်တဲ့ ဈေးကွက်တခုလိုပဲတဲ့။
 

သူငယ်ချင်းက ပြောပါတယ်…
၂၁ ရာစုဆိုတာ
အိမ်ကွင်းအဝေးကွင်းတွေမှာ
အငြင်းပွါးစရာဂိုးတွေနဲ့
မရှုမလှရှုံးတဲ့ ဘောလုံးပွဲတခုလိုပဲတဲ့။
 

သူငယ်ချင်းက ပြောပါတယ်…
၂၁ ရာစုဆိုတာ
ကိုယ့်အတ္တကို လုံအောင်ခြုံလို့
လူရိုသေ ရှင်ရိုသေလေးဖြစ်အောင်တောင်
ဟန်ဆောင်ပြုံးမပြ နိုင်တဲ့
ကပွဲတခုလိုပဲတဲ့။
 

သူငယ်ချင်းက ပြောပါတယ်…
၂၁ ရာစုဆိုတာ
မိုးမရွာဘဲ ရေလျှံနေတဲ့ မြစ်ကြီးတစင်းလိုပဲတဲ့။
 

သူငယ်ချင်းက ပြောပါတယ်…
၂၁ ရာစုဆိုတာ
…………တဲ့
………….တဲ့။
 

သူငယ်ချင်းရေ….

လူ.နှလုံးသား လူ.သိက္ခာဆိုတာ
ရောင်းကုန်တခုလို သဘောထားပြီး
ဈေးဆစ်လို့ရတဲ့ အရာမျိုး မဟုတ်ဘူးကွဲ့။
ဒါပေမဲ့……
ဘ၀ကို ထဲထဲဝင်ဝင်ရှင်သန်ကြည့်တော့..
သူငယ်ချင်းရေ…
၂၁ရာစုဆိုတာ……….။

 ကိုသစ် ( သီတဂူကမ္ဘာဗုဒ္ဓတက္ကသိုလ်)